وش اعزي .. ومن اعزي .. يازياد ؟=وكل عرق ٍ فيني اسمع له صياح
اتجمع .. واتقوى .. بالعتاد=واتفجر بي .. ويخذلني السلاح !
كيف الم الجرح .. واشلائه رماد=وكل شئ ٍ مثلي دمعي مني طاح
اذكرك يوم أننا صغار ٍ .. وكاد=وأنت تسبقنا على حي الفلاح
ومن كبرنا وزدنا طيش ٍ مع عناد=كنت هادئ .. تحظن الذنب بسماح
ماتضايق منك .. اقراب .. وبعاد=عن قلقهم تحتويهم .. بارتياح
واربع سنين ٍ زماله .. واعتياد=سيرتك فيها .. عطر ورد ٍ وفاح
كنت مسؤولا .. تحلى بالحياد=منصف ومخلص .. ونبع ٍ للكفاح
لو رثيتك في قصيد .. ادمى العباد=ولو بكيتك كل ليله .. للصباح
مايطيب اللي بموتك .. " شبه باد " ! =ممتلئ بك .. وامتلأ عقبك جراح
ياعسى الفردوس لك .. أرض وبلاد=عن شبابك .. عن هلك .. اطيب مراح
ومن اعزي .. ومن اخلي .. يازياد !=وكل قلب ٍ يعرفك نبضه صياح

.